La Procession dei fiolas

 

         Despièi mai de trent’ans, cade 1er de junh, vau a Borbon per la procession dei fiolas. M’agrada aquest ambient quand arribas, ta botelha a la man, un pauc vergonhos tant qu’as pas rescontrat per la carriera majer un autre coma tu qu’escond a mitat son vin. Avant, anave en comuna cercar la fiola oficiala ambe marcat « vin d Borbon ». M’abrive ara devers la plaça de la comuna qu’aquest an escond un escafaudatge. E pièi aquela votz dins l’aut parlaire qu’en frances ramenta « vous participez à une manifestation religieuse ». Urosament, apond ges de comentari que se i’a una religion, es au sens de « religare » e lo culte ; es aqueste dau dieu incarnadin. La tronha de l’estatua de Sant Marcelin retipa aquela de Bacchus. Es per aquo que ié vau. Syncretisme, quora nos agantas…

         Pamens, despièi una desena d’ans, lo clericalisme reprend l’empenta e lei capelans mancan pas d’insistir sus l’ortodoxia d’una manifestacion qu’a un perfum que mai pagan. Ont’es lo temps onte Jo Rey esplicava que la calor de l’ebrietat, es la calor divina o qu’AOC vau dire apelacion d’origina crestiana. O encara Trefume Moiren que reglava en cadiera sei comptes ambe lo municipe de Barbentana o s’encanhava contra lei CRS de Raymond Marcelin que picavan sus lei vinhairons dei comitats d’acion viticola. L’ordre morau, i’a de temps que s’encamina…

         Quicom pamens escapa a totei sei tentativas de recuperacion. La magia de la capela romanica e lei clerjons que campanejan pièi lo moment que lo temp s’aplanta quand 300 taps dins lo silenci duerban lei botelhas. Aquest an, per lo promier cop, ai entendu lei gens picar dei mans quand diguèran de tastar lei botelhas…Pièi i’aguèt autra causa : defora, de gens que parlavan fort, que renavan…de fremas ? Sabe pas mai me dise que vendrà ben un jorn qu’un feminisme mau compres e que saup pas que sacrat vau dire desseparat vendrà tancar lo pati dins una manifestacion onte justament mascles e femelan demoran desseparats.

         Aquest an, ai pas retrobat mei colègas come se retroberiam tant de cops. Lo monde chanja. Ai blagat ambe Fernand, lo pastoralier de Barbentana, esplicat a Buravan lo borbonenc que per un cop, lo capelan parlava provençau  – tristessa i’a quauqueis ans quand n’i aguèt un qu’escaronhèt la lenga o un autre cop que dins son proselytisme volia tot revirat en francihot– parlat ambe Renat Blanc de Borbon pièi prengueriam una androna per se devinar davant la comuna annexa. M’esperave la « coupo santo » mai de tu tu pan pan n’aprofiecheran per faire cagar lo monde de son foklore d’un autre temp. Lo mite de vielhas don-dons que volon faire balar sei felens en se cresent de « faire joine ». L’estat major complet dau coleitiu – eran 4 – piqueran dei mans. Tota la força de la Copa s’era negada dins lo nacionau foclorisme. Vauzela que manca jamai lei fiolas e que dins la glèisa se sinha come fau era content, pas tant rotge come leis autreis ans. Un ferjolum de març bofava per lei carriera quora rintrere prendre mon auto. Chanjan lei temp. Lo garda municipau que tamisava a l’intrada de la capela a partit a la retirada. Quant fai de temps que lo 1er de junh, prene lo camin de Borbon ?

      Despièi mai de trent’ans, cade 1er de junh, vau a Borbon per la procession dei fiolas. M’agrada aquest ambient quand arribas, ta botelha a la man, un pauc vergonhos tant qu’as pas rescontrat per la carriera majer un autre coma tu qu’escond a mitat son vin. Avant, anave en comuna cercar la fiola oficiala ambe marcat « vin d Borbon ». M’abrive ara devers la plaça de la comuna qu’aquest an escond un escafaudatge. E pièi aquela votz dins l’aut parlaire qu’en frances ramenta « vous participez à une manifestation religieuse ». Urosament, apond ges de comentari que se i’a una religion, es au sens de « religare » e lo culte ; es aqueste dau dieu incarnadin. La tronha de l’estatua de Sant Marcelin retipa aquela de Bacchus. Es per aquo que ié vau. Syncretisme, quora nos agantas…

         Pamens, despièi una desena d’ans, lo clericalisme reprend l’empenta e lei capelans mancan pas d’insistir sus l’ortodoxia d’una manifestacion qu’a un perfum que mai pagan. Ont’es lo temps onte Jo Rey esplicava que la calor de l’ebrietat, es la calor divina o qu’AOC vau dire apelacion d’origina crestiana. O encara Trefume Moiren que reglava en cadiera sei comptes ambe lo municipe de Barbentana o s’encanhava contra lei CRS de Raymond Marcelin que picavan sus lei vinhairons dei comitats d’acion viticola. L’ordre morau, i’a de temps que s’encamina…

         Quicom pamens escapa a totei sei tentativas de recuperacion. La magia de la capela romanica e lei clerjons que campanejan pièi lo moment que lo temp s’aplanta quand 300 taps dins lo silenci duerban lei botelhas. Aquest an, per lo promier cop, ai entendu lei gens picar dei mans quand diguèran de tastar lei botelhas…Pièi i’aguèt autra causa : defora, de gens que parlavan fort, que renavan…de fremas ? Sabe pas mai me dise que vendrà ben un jorn qu’un feminisme mau compres e que saup pas que sacrat vau dire desseparat vendrà tancar lo pati dins una manifestacion onte justament mascles e femelan demoran desseparats.

         Aquest an, ai pas retrobat mei colègas come se retroberiam tant de cops. Lo monde chanja. Ai blagat ambe Fernand, lo pastoralier de Barbentana, esplicat a Buravan lo borbonenc que per un cop, lo capelan parlava provençau  – tristessa i’a quauqueis ans quand n’i aguèt un qu’escaronhèt la lenga o un autre cop que dins son proselytisme volia tot revirat en francihot– parlat ambe Renat Blanc de Borbon pièi prengueriam una androna per se devinar davant la comuna annexa. M’esperave la « coupo santo » mai de tu tu pan pan n’aprofiecheran per faire cagar lo monde de son foklore d’un autre temp. Lo mite de vielhas don-dons que volon faire balar sei felens en se cresent de « faire joine ». L’estat major complet dau coleitiu – eran 4 – piqueran dei mans. Tota la força de la Copa s’era negada dins lo nacionau foclorisme. Vauzela que manca jamai lei fiolas e que dins la glèisa se sinha come fau era content, pas tant rotge come leis autreis ans. Un ferjolum de març bofava per lei carriera quora rintrere prendre mon auto. Chanjan lei temp. Lo garda municipau que tamisava a l’intrada de la capela a partit a la retirada. Quant fai de temps que lo 1er de junh, prene lo camin de Borbon ?

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :