Sant Joan lo meissonier

« Viva St Joan lo meissonier ». Son plus en nombre, lei segaires, per esperar lo promier solèu de l’estiu e s’avisar que sauteja tres cops au dessus de Ventor. E pamens…Pamens, de fiocs de Sant Joan, n’ia de mai en mai, dins cade carriera, dins cade escart, sus cade planet de vilatge provençau.  Solament vaqui : de tot aquelei calinhaires que sautan au dessus de la brasa en se tenent la man, de tot aquelei vielhs que raduson a l’ostau un negre mocèu de bosc, quant n’i a que comprenon lo perqué Sant Joan. Come dins totei lei tradicions, coneissem la musica mai avem perdut lei paraulas.

         Per nosteis avis, lo temps era redon e si servissien dei sants per marcar un moment, un periode, dins lo grand cièucle de l’an. « Joan e Joan partan l’an » afortis lo redire. Sant Joan d’ivern au moment de Novè e Sant Joan d’estiu au mes de junh. Dos moment que lo monde es en chancela. En junh, lo solèu quita pas de montar dins lo cèu e de faire requièular la nuech. Se contunha ansin, deman, sus la terra , tot aurà cramat. Plus de natura, plus de verdum : un vertadier Sahara. Fau donc faire quicom. E come nosteis ancians cresien que i’avia un liame entre lo macrocosme e lo microcosme, dins sa pensada magica, van s’agarir au tot pichot per faire bolegar lo grand tot.

         Ansin, se volèm pas que lo solèu contunhesse de pujar, fau l’alassar. Es per aquela reson que se fai de grand fiocs au mitan de la nuech. E marcha lo cop ! Bela prova, tre l’endeman, lo solèu s’arresta de montar e comença la lenta davalada enjusqu’a la Sant Joan d’ivern. Faudrà alor, per fin que la lutz dispareiguesse pas, faire cacha fioc per lo sauvar d’una sornura que tant, agoloparia lo monde. Rites immudables de nosteis ancians. Cresien solide cade an, per sei tradicions, de participar au grand ritme de la natura. La Natura pecaire, s’acontentam ara de la badar a la television.

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :