Rose ven

Rose vèn ! Era una vertadiera raganela per lei gens de la riba. Sabien que lo flume versava – un an versèt 18 cops a Cadarossa – Alor, vivien ambe Rose. Avien lo barcot revirat a l’espera davant la granja. L’ancola per montar lei bestias au promier estanci dins lo recati – aquo’s lo nom d’aquela peça onte totei vivien en periode d’inondacion. Meme lei recordas eran azatadas : lo sorgho, lo mil per faire leis escobas que se trabalhava a Lapalud, Pièulenc o Corthezon.

         E pièi Rose era un pauc lo Nil dei Provençaus. Sei desbords laissavan sa lima, sa fanga fertila que balhava de recordas drudas. Alor, leis ans que versava pas, totei fasien lo morre. Ges de corsa en barcot per veire s’au vesin, ié mancava quicom. Ges de velhada quand alentor s’ausis lo flume poderos que buta e que siam ben a la sosta de la granja.

         « Sieguetz tranquiles, bravei gens » afortiguèt la CNR (Compagnie Nationale du Rhône) »Ambe lei barratgis, Rose versarà plus. Lo Drac ferotge e la marrida Tarasca saran desenant encadenats per la scienci e lo progrès. Fisança avugle. Eilà , om faguèt tombar l’ancola. Eici, es la levada que l’avem pas entretenguda. Sensa parlar d’aqueleis apetegats dei picalhons que, se garçant de l’istoria, an vendut de terras per bastir dins leis endrech onte Rose o seis afluents tostemps an passat. Quau es lo responsable : aqueste qu’a chabit la terra ? Aqueste qu’a bastit leis ostau ? O aqueste que, se trufant dei dires deis ancians, a logat l’ostau ? totei tres bessai ?

         E per ço qu’es de ço que fuguèt la grand via de l’istoria, l’autorota bluèia ligant l’arc mediterranean ai planas dau Nord, pecaire, i’a quasi ren come trafec a la deciza de Rose. An pas fach la ligason ambe lo Rhin. Per rasons ecologicas, pareis. De segur, per l’ecologia, vau mielh lei milierats de camions  que davalan a tota-z-uertas sus l’autorota e qu’emporcassissan l’atmosfera quand Rose chin cherin podria tot carrejar.

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :