Dins lo matin blave

Dins lo matin blave, en gara d’Avenhon, i’a monde a l’espera dau promier TGV. Lo diluns, son tot aquelei que l’ordinator en bricola e la maleta de l’autra man, partan per trabalhar a Paris. L’ai ben remarcat, son totjorn lei memes , una vertadiera familha d’omes solets que quitan pais, familha e nistons per passar sa setmana a s’afanar dins son trabalh de cadre, de baile , de responsable de sabe pas que. Mai centralisme que centralisme, es a Paris e deman a Bruxelles que son lei manetas de comendament. Alor, lo diluns, la pompa dei cervèus mijornaus tira a plen TGV. Tornaran ‘mbe lo trin de dijou de vespre , una fortuna despièi que i’a lei VSD, la setmana a quatre jorns. Mai quant d’oras van passar dins sei burèus ? Se n’en chalan. Sa nuech parisenca, la passan pas au lido o au Crazy Horse mai a l’ostalaria somiant au TGV que rascla devers lo miegjorn chasque fin de setmana.

Lo diluns de matin, en gara d’Avenhon, sus l’autre quèi, i’a aquelei que cade jorn davalan per trabalhar a Marselha. Aquelei d’aqui, an pas drech a un endrech per s’aparar de la cisampa e esperan, conglaçats, sota la marquisa lo trin que dins una mieja, lei vuejarà tot endormits dins la gara Sant Carle. Tornaran a nuech plombada, uros enca se leis enfants son pas enca endormits.

         Avant, lei gens eran d’un pais, d’un endrech onte trabalhavan, se trobant sus lo mercat o dins lei boticas, coidejant au cafè, blagant davant l’escola, partajant per la festa aquela convivencia qu’a cha pauc passa per malha dins nostei vidas espeçadas. E pamens, si siam jamai autant parlat. Mai per @mail o  sus lo telefone- barrutlaire.

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :